4 ildir davamlı hıçqırırdı - Nə yeyə, nə də yata bilmirdi-FOTO
- 2026.03.19 20:31
- 83 Baxış
Türkiyədə Kahramanmaraşda yaşayan Hanifi Özdemir, təxminən dörd il davam edən hıçqırıq tutmalarından Ankara Bilkent Şəhər Xəstəxanasında müalicə sayəsində cəmi bir həftə ərzində sağaldı.
Medicina.az xəbər verir ki, dörd il ərzində 65 yaşlı Özdemir, ara-sıra 4-5 gün davam edən, qısa fasilələrlə və sonradan təkrarlanan hıçqırıq tutmalarından əziyyət çəkirdi. Zamanla simptomları pisləşirdi.
Hıçqırıq tutmaları zamanı yata, yeyə və danışa bilməyən Özdemir, qohumlarının məsləhəti ilə Ankara Bilkent Şəhər Xəstəxanasına müraciət etdi.
Müayinələrdən sonra Özdemir müalicə üçün qəbul edildi və hıçqırıq tutmaları bir həftə ərzində bitdi.
Özdemir, hıçqırıq tutmalarının 4 il əvvəl qəfil başladığını və tez-tez təkrarlandığını söylədi:
"Hıçqırığın nə vaxt tutacağını bilmirdim. Başladıqda, 4-5 gün, gecə-gündüz dayanmırdı. Bu, bədənimə zərər verirdi. Nə yeyə, nə də yata bilirdim. Gündəlik işlərim pozulmuşdu. Hıçqırıqlar 1-2 gün dayanır və sonra yenidən başlayırdı. Çox narahat idim. Hıçqırıqlarımın keçdiyinə görə çox xoşbəxtəm. Tətil üçün doğma şəhərimə həyəcanla qayıdıram. Xəstəliyim bitdi, çox yaxşıyam. Allah hər kəsə belə xoşbəxtlik nəsib etsin".
Ankara Bilkent Şəhər Xəstəxanası Geriatrik Klinikasının mütəxəssisi Dr. Kübra Ərdoğan hıçqırıqların ümumiyyətlə diafraqma əzələsinin qeyri-iradi büzülməsindən qaynaqlanan müvəqqəti bir vəziyyət olduğunu bildirdi:
"Beyin infeksiyaları, ağciyər xəstəlikləri, ürək tutması, perikardit, bağırsaq xəstəlikləri, dərmanın yan təsirləri və psixogen səbəblər hamısı hıçqırıqlara səbəb ola bilər".
Ərdoğan Özdəmirin müayinələrində heç bir üzvi patoloji aşkarlanmadığını və əvvəlcədən mövcud olan reflüks simptomlarının xəstəxanada qidalanma vərdişlərindəki dəyişikliklərlə azaldığını bildirdi. O, əsasən somatizasiya əlamətləri göstərən xəstənin müalicəyə yaxşı cavab verdiyini, ümumi vəziyyətinin yaxşı olduğunu və qəbuldan bəri hıçqırıq hiss etmədiyini qeyd etdi.
Aygün
Medicina.az
Ən Çox Oxunanlar
Yeni Xəbərlər
