Alimlər xoşbəxtliyin pulda olduğunu təsdiq etdi– Elmi araşdırma
- 2022.01.29 17:45
- 3146 Baxış
Xoşbəxtlik puldadır deyiminin elmi təsdiqi sübut olundu. İnsanın aylıq, illik gəliri nə qədər yüksəkdirsə, o həyatından bir o qədər razıdır.
Medicina.az xəbər verir ki, bunu ABŞ Pensilvaniya universitetinin alimləri 33 min amerikalını əhatə edən araşdırmada elan ediblər.
Alim Metyu Killinqsvort insan xoşbəxtliyinin səbəblərini araşdırmaqla məşğuldur. O, 33 min insanın telefonuna xüsusi tətbiq yüklədərək, hər gün bir neçə dəfə həmin an nə hiss keçirdiklərini, emosional vəziyyətlərini qeyd etmələrini tapşırdı.
Eləcə də iştirakçılar “Həyatınızdan və gəlirinizdən nə qədər razısız” sualına şkala üzrə qiymətləndirmə ediblər.
Beləliklə, alimlər 33 min işləyən və aylıq maaşı olan müxtəlif yaş qrupundan olan insanların 2 milyon cavabını analiz ediblər.
Nəticələr göstərib ki, xoşbəxtliyin sərhədi yoxdur. İnsanın gəliri nə qədər yüksəkdirsə, gün ərzində həyatından bir o qədər çox razı və məmnunluq halı da çox olur.
Bu xoşbəxtlik hissinin dərəcəsi də dəqiq deyil. Hətta ayda 15 min dollar alan və bu maaşla rahat olan insanla 50 min dollar alan eyni dərəcədə xoşbəxt ola bilər. Amma maaşı az olanlara nisbətən yüksək olanlar təcrübədə gün ərzində daha çox məmnunluq hissi qeyd edib.
Ən Çox Oxunanlar
Yeni Xəbərlər
