Arıqlamaq üçün yeni estetika: "MMeyit yağı"
- 2026.08.03 23:20
- 159 Baxış
GLP-1 inyeksiyaları ilə arıqlayan insanlar, həddindən artıq yağ itkisi səbəbindən bədənlərinə ölən insanların yağları vurularaq estetik prosedurlara məruz qalmağa başlayıblar.
Medicina.az xəbər verir ki, son illərdə Ozempic, Wegovy və Mounjaro kimi GLP-1 qrupu arıqlama dərmanlarının geniş yayılması estetik cərrahiyyədə yeni ehtiyaclar yaratmışdır.
Sürətli arıqlama yaşayan bir çox insan, omba, döş və digər nahiyələrdə həcm itkisi səbəbindən estetik həllərə müraciət etməyə başlayıb.
Bu tələbə cavab olaraq hazırlanmış AlloClae adlı yeni məhsul, ənənəvi metodlardan çox fərqli bir yanaşma təklif edir.
AlloClae, orqan və toxuma bağışlanması çərçivəsində bağışlanan şəxslərdən əldə edilən yağ toxumasının müxtəlif müayinə və təmizləmə proseslərinə məruz qoyulması ilə hazırlanır.
İstehsalçıya görə, toxuma yağ xəstəliklərə görə yoxlanılır, bioloji olaraq emal edilir və inyeksiya üçün hazırlanır.
Daha sonra cərrahlar tərəfindən həcm itkisi yaşayan bədən nahiyələrinə tətbiq olunur.
Klassik yağ inyeksiyaları xəstənin öz bədənindən yağ yığmaq üçün liposaksiya tələb etsə də, bu üsul bu ehtiyacı aradan qaldırır.
Prosedur adətən lokal anesteziya altında aparılır və sağalma müddətinin daha qısa olduğu bildirilir.
Xüsusilə xeyli çəki itirmiş və buna görə də kifayət qədər yağ toxuması olmayan şəxslər üçün alternativ hesab olunur.
Aygün
Medicina.az
Ən Çox Oxunanlar
Yeni Xəbərlər
