Beyin üçün ən vacib qida

2024.03.11 12:27
496 Baxış

Sağlamlıq üçün ən vacib qidalardan biri də xurmadır.

Mütəxəssislər müntəzəm olaraq gündə 2-3 ədəd xurma istehlak etməyin çox vacib olduğunu vurğulayırlar.

Bəs xurmanın bu qədər əhəmiyyətli qida olmasının səbəbi nədir?

Medicina.az xurmanın möcüzəvi faydalarını təqdim edir:

- Tərkibində yüksək miqdarda lif var. Buna görə də həzm sisteminə çox yaxşı təsir göstərir. Həzm sistemini tənzimləyən lif qəbizlik şikayətini də aradan qaldırır.

- Tərkibində təbii şəkər olan xurma istehlak edildiyi zaman dərhal enerji verir. Süni şəkərdən fərqli olaraq, onun verdiyi enerji uzunmüddətlidir. İdmandan əvvəl və sonra istehlak edildikdə məşqdən maksimum səmərəliliyi təmin edir.

- Xurma kalium və maqneziumla zəngindir. Bədənin ümumi sağlamlığı üçün əvəzolunmaz qida dəyərləri ehtiva edən xurma bədəndəki əzələ funksiyalarını tənzimləyir.

- Antioksidantlarla zəngin olan xurma orqanizmi sərbəst radikalların mənfi təsirlərindən qoruyur. Bu yolla hüceyrə zədələnməsini azaldır və qocalmanı dayandırır.

- Xurma aşağı qlisemik indeksi sayəsində uzun müddət toxluq hissi yaradır. Bu sayədə gün ərzində qəbul edilən kalori miqdarını tarazlaşdırır, arıqlamağa kömək edir.

- Tərkibindəki kalsium və fosfor sayəsində xurma sümüklərin ehtiyac duyduğu mineralları təmin edir. Sümükləri gücləndirir və osteoporoz riskini azaldır.

- Xurma beyin üçün ən vacib qida olaraq bilinir. Müntəzəm istehlak edildikdə beyin hüceyrələrinin sürətlə bərpa edilməsini və yenilənməsini təmin edir.

Aysel