Bu qidaları təkrar qızdırmayın: Zəhərlənmə riski
- 2025.09.06 15:24
- 186 Baxış
Bəzi qidaları yenidən qızdırmaq sağlamlıq üçün ciddi risklər yaradır.
Medicina.az xəbər verir ki, bəzi qidalar yenidən qızdırıldıqda bakteriyaların böyüməsi üçün uyğun mühit yaradır və qida dəyərini itirir.
Bu risklər xüsusilə düyü, yumurta və göbələk kimi qidalarda özünü göstərir.
1. DÜYÜ
Bişmiş düyüdə Bacillus cereus bakteriyasının sporları ola bilər.
Bişirildikdən sonra uzun müddət otaq temperaturunda qaldıqda, bu sporlar toksinlər əmələ gətirir və yenidən qızdırmaq toksinləri məhv etmir.
Nəticədə qida zəhərlənməsinə səbəb ola bilər. Buna görə bişmiş düyü dərhal yeyilməlidir.
2. YUMURTA
Qaynadılmış yumurtaların yenidən qızdırılması onların zülal strukturunu dəyişdirir və həzm edilməsini çətinləşdirir.
Qızdırma zamanı ayrılan kükürd birləşmələri yumurtanın iyini artırır və mədə narahatlığına səbəb ola bilər.
Mümkünsə, qaynadılmış yumurta yenidən qızdırılmamalıdır.
3. Göbələk
Bişmiş göbələklər yenidən qızdırıldıqda qida dəyərini itirir və həzm edilməsi çətinləşir.
Bundan əlavə, göbələklərdə olan bəzi birləşmələr qızdırma zamanı zəhərli ola bilər.
Buna görə göbələk yeməkləri təzə istehlak edilməlidir.
4. Kartof
Bişmiş kartof otaq temperaturunda qaldıqda Clostridium botulinum bakteriyasının sporlarını daşıya bilər.
Bu bakteriyanın yaratdığı toksinlər qida zəhərlənməsinə səbəb olur.
5. DƏNİZ YEMƏKLƏRİ
Balıq, karides və digər dəniz məhsulları yüksək protein tərkibinə görə tez xarab ola bilər.
Yanlış saxlandıqda, yenidən isitmə zamanı histamin toplanır və bu, ciddi qida zəhərlənməsinə səbəb ola bilər.
6. Toyuq
Toyuq, xüsusilə mikrodalğalı sobada qızdırıldıqda, içərisində kifayət qədər isti olmaya bilər.
Bu, Salmonella və oxşar bakteriyaların sağ qalmasına imkan verir.
7. YAĞLAR
Yağlar yenidən qızdırıldıqda oksidləşir və bəzi kanserogen birləşmələr yarada bilər.
Bunun sağlamlığa mənfi təsirləri ola bilər. Buna görə də qızartma yağları və təmiz maye yağlar yenidən qızdırılmamalıdır.
8. Körpə QİDALARI VƏ ANA SÜDÜ
Uşaq qidası və ana südü qızdırıldıqda bakteriyaların böyüməsi üçün uyğun mühit yaradır.
Bu, körpələrdə qida zəhərlənməsi riskini artırır.
Buna görə də, bu qidalar təzə istehlak edilməli və ya uyğun şərtlərdə saxlanmalıdır.
Aygün
Medicina.az
Ən Çox Oxunanlar
Yeni Xəbərlər
