Bu simptomlar 24 saatdan çox davam edərsə... - Həkimdən önəmli xəbərdarlıq
- 2025.11.20 13:30
- 200 Baxış
Türkiyəli professor Dr. Ümit Gürbüz qida zəhərlənməsi ilə bağlı önəmli açıqlamalar verib.
Medicina.az xəbər verir ki, Gürbüz, istehsal proseslərinin düzgün hazırlanmadığı və gigiyena tədbirlərinin qeyri-kafi olduğu mühitlərdə istehsal olunan qidaların həmişə təhlükə yaratdığını bildirib.
O, bu cür zəhərlənmələrin xüsusilə toylar və kütləvi yemək tədbirləri kimi izdihamlı mühitlərdə geniş yayıldığını qeyd edib.
"Qida zəhərlənməsindən şübhələnildiyi təqdirdə dərhal tibbi yardıma müraciət edin.
Qida ilə yoluxan mikroorqanizmlərin yüngül ürəkbulanma və baş ağrılarından ölümcül nəticələrə qədər geniş spektrli xəstəliklərə səbəb ola bilər.
Qızdırma, baş ağrısı, ürəkbulanma, qıcolma və qanlı ishal kimi simptomlar 24 saatdan çox davam edərsə, bu, ağır qida zəhərlənməsinə işarədir. Erkən müdaxilə həyatları xilas edir”.
Gürbüz qeyd edib ki, yaşlılar, körpələr, uşaqlar və xroniki xəstəlikləri və ya zəifləmiş immunitet sistemi olanlar qida zəhərlənməsindən daha tez təsirlənə bilər:
"Təhlükəsizliyi məlum olmayan, istehsal şərtləri qeyri-müəyyən və mənşəyi müəyyən edilə bilməyən qidaları yeməyin".
Gürbüz küçə qida satışında gigiyena tədbirlərinin tez-tez qeyri-kafi olduğunu qeyd edərək, bu cür məhsulların əsas riskini vurğulayıb. O, vətəndaşların qida seçərkən diqqətli olmalarının vacib olduğunu söyləyərək yekunlaşdırıb.
Aygün
Medicina.az
Ən Çox Oxunanlar
Yeni Xəbərlər
