Bu yaşda olan qadınlar iki ildən bir müayinədən keçməlidir
- 2025.10.27 11:49
- 201 Baxış
"Dünyada hər səkkiz qadından biri xərçəngdən əziyyət çəkir. Lakin qadınlar müalicəyə cəlb olunarsa, sonrakı beş il ərzində onların yaşama şansı 90-95%-dir”.
Medicina.az “Qafqazinfo”ya istonadla xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İcraçı direktorunun müavini Anar İsrafilov “Xərçəngdən güclüsən” tədbirində bildirib.
O qeyd edib ki, mammoqrafiya müayinəsi vasitəsilə bu xəstəlik vaxtında aşkarlana və sağala bilər:
“Bütün 40-69 yaş arası qadınlar iki ildən bir müayinədən keçməlidirlər. Mammoqrafik müayinə çox sadədir. Bu prosesdə maarifləndirmə çox önəmlidir. Bu işdə bizə bütün cəmiyyət, KİV kömək etməlidir. Bu, təkcə TƏBİB-in işi deyil.
Hazırda süd vəzi xərçənginə qarşı mübarizə ilə bağlı başqa layihələrimiz də var. İki rayonda mammoqrafik müayinələr aparılır və nəticələri ilə bağlı cəmiyyətə məlumat verəcəyik”.
TƏBİB-in Strateji inkişaf departamentinin Korporativ əməkdaşlıq şöbəsinin müdiri Nigar Rüstəmli əlavə edib ki, respublika ərazisində 22 regionda 3 mindən çox qadın süd vəzi xərçəngi ilə bağlı müayinəyə cəlb olunub.
O qeyd edib ki, xərçənglə mübarizə üçün ucqar rayonlarda səyyar müayinələr aparılıb.
Ən Çox Oxunanlar
Yeni Xəbərlər
