Çəkisinə görə lağa qoyulurdu, amma təslim olmadı-FOTO
- 2026.03.05 15:11
- 245 Baxış
Uşaqikən keçirdiyi qızdırmadan kökələn və məktəb illərində zorakılıqla mübarizə aparan Gözen Durmuş universitetdə psixologiya üzrə təhsil alıb. Bu müddət ərzində 180 kiloqramdan 130 kiloqrama düşərək 50 kiloqram arıqlayıb.
Medicina.az xəbər verir ki, körpəlik illərində keçirdiyi qızdırma nəticəsində kortizon müalicə alan Gözen Durmuş kökəlməyə başlayıb.
İbtidai məktəb illərində sağlamlıq problemləri ilə yanaşı, Durmuş ətraf mühitdə zorakılıqla mübarizə aparıb, lakin həddindən artıq çəkisinə baxmayaraq, təhsilindən əl çəkməyib.
Bir vaxtlar 180 kiloqram çəkidə olan Durmuş ibtidai və orta təhsilini distant təhsil yolu ilə başa vurub və daha sonra 75% təqaüdlə özəl bir universitetdə psixologiya şöbəsinə qəbul olub.
2025-ci ildə universiteti bitirən və müalicə yolu ilə təxminən 50 kilo arıqlayan Durmuşun ən böyük məqsədi magistr dərəcəsini bitirmək, peşəsinə başlamaq və özü kimi onları dəstəkləməkdir:
Xəstəxanalar, diyetoloqlar, həkimlər - heç biri mənə arıqlamağa kömək etmədi. Getdikcə daha çox kökəldim.
Bu, ibtidai məktəbə getməyimi çətinləşdirdi. Orada zorakılıq, təcrid və təhsil almaqda çətinliklərlə qarşılaşdım.
Sonralar valideynlərimi kiçik yaşlarımda itirdim. Xalam mənə baxırdı. Çölə çıxa bilmirdim, məktəbə davam edə bilmirdim.
Rəsmi təhsilə gedə bilmirdim. Özümü çox pis hiss edirdim. Məni lağa qoyurdular. Sonradan, evdə olarkən özümə "niyə", "necə" suallarını verdim.
Dedim ki, "Niyə bacarmıram, niyə davam edə bilmirəm?" Universitetə getməyə qərar verdim.
Özüm oxudum, ingilis dilini özüm öyrəndim. Bu səylərin nəticəsi olaraq universitetə daxil oldum, amma zorakılıq orada da davam etdi.
Orada da təhsil almaq imkanım yox idi. Sinifdə otura bilmirdim. Dərslərə heç diqqət yetirə bilmirdim. Amma nədənsə dözürdüm. Qətiyyətli idim və məktəbi rəsmi şəraitdə bitirdim".
Gözen Durmuş, indi xəyallarını gerçəkləşdirmək istədiyini bildirərək, bunları deyib:
"Heç nə üçün heç vaxt gec deyil. Əgər mən bunu etdimsə, hamı edə bilər. Mən təslim olmadım. Hal-hazırda klinik magistr dərəcəmi almaq istəyirəm.
Həyatıma davam etməyə çalışıram. Psixologiyanı seçməyimin səbəbi uzun illər evdə qalmağım, çölə çıxa bilməməyim və bunun, mənə psixoloji cəhətdən təsir etməsidir. Mənim kimi insanlarla işləmək istəyirəm. Sosial mediada paylaşımlar edirəm.
Bu yolda təslim olmadan davam edəcəyəm. Mənim kimi olanlar üçün paylaşacağam".
Aygün
Medicina.az
Ən Çox Oxunanlar
Yeni Xəbərlər
