Depressiya və panik atak tutmalarına qarşı təbii çarələr
- 2023.05.17 18:24
- 3114 Baxış
Son zamanlar gənclər arasında stress, panik atak tutmaları və kəskinləşən depressiv halları çoxalıb.
“Medicina” xəbər verir ki, fitoterapevt həkim Füzuli Hüseynov nevroz və panik ataka qarşı bitki müalicəsi barədə məlumat verib.
“Panik atak və depressiya əleyhinə bir sıra bitkilər var. Məsələn: nanə, ballı nanə, melisa bitkisi, yarpız, çobanyastığı, pişikotu, quşəppəyi, maya sarmaşığı, yunan lavandası və.s.
Bu bitkilərdən hazırlanan müəyyən qarışımlar panik atak tutmalarının qarşısını almaqda kömək edir. Lakin nəticə 30 – 40% faiz ola bilər. Tək bitki ilə belə xəstəliklərin qarşısını almaq olmur.
İnsan ruhdan ibarətdir. Bu müalicə isə bizim cismimizin müalicəsidir. Biz ruhumuzu cismimizlə birlikdə müalicə etsək, daha yaxşı nəticələr əldə edərik.
Məsələn, tarixə nəzər salsaq XVII əsrdə Osmanlı dövründə panik atak tutmalarını və depressiyanı müalicə etmək üçün xüsusi otaqlardan istifadə edirdilər. Bu otaqlarda Quran və ya rukiyələr dinlədirdilər. Bu ruhi qida almaq üçün vacib hesab edilirdi. Həmçinin bitkilərlə müalicə alırdılar.
Depressiya üçün çaylardan ballı nanə ilə yunan lavandasının qarışımından istifadə etmək olar. Bunların hərəsindən 1 xörək qaşığı götürüb, 3 stəkan suda dəmlənir. Səhər, günorta və axşam bu qarışımdan içmək lazımdır.
Pişik otu ilə dam otunu qarışığını 3 stəkan suya hərəsində 1 xörək qarışığı əlavə edib, 5 dəqiqə qaynadılır. 30 dəqiqə sonra bu qarışım süzülür, gündə 3 dəfə yeməkdən sonra qəbul edilir.
Hormonal pozuntulara qarşı ud hindi bitkisi yaxşı təsir edir. Gündə 3 dəfə yeməkdən sonra bir qaşıq qəbul etmək lazımdır”.
Həkim bildirir ki, belə xəstəliklərdə adətən antidepressant dərmanlardan istifadə olunur. Bu da vərdiş halına gətirilir. Ən pis tərəfi isə cinsi pozğunluq əmələ gətirir.
“Antidepressant dərmanlar bəlli bir vaxtdan sonra həm qadınlarda, həm kişilərdə cinsi pozğunluğun meydana gəlməsinə səbəb olur”.
Günay Quluzadə
Ən Çox Oxunanlar
Yeni Xəbərlər
