Gündə 5 dəfə eyni şeyi yedi, 32 kilo arıqladı - FOTO
- 2026.07.17 09:07
- 59 Baxış
47 yaşlı Lindsi Kelli illər ərzində fast food, spirtli içki və oturaq həyat tərzi səbəbindən aldığı çəkini intizamlı pəhriz və idman proqramı ilə dəf etdi. Gündə 5 dəfə eyni yeməyi yeyən Kelli son nəticələrinə görə təriflənib.
Medicina.az xəbər verir ki, Britaniyalı ana Lindsi Kelli bədənini dəyişdirərək həyatını dəyişməyə başladı.
Oğlu üçün sağlam bir nümunə olmaq istəyən Kelli gündəlik vərdişlərini tamamilə dəyişdirdi və təxminən 32 kilo arıqladı.
Kelli peşəkar bodibildinq yarışlarında iştirak edə biləcəyi səviyyəyə çatdı.
Ən böyük motivasiyasının oğlu olduğunu deyən Kelli bildirdi: "Ona yaxşı bir nümunə olmaq və nələrə nail ola biləcəyini göstərmək istədim."
Arıqlama prosesində ciddi intizam tətbiq edən Kelli gününə səhər saat 4:00-da başlayır.
12 saatlıq növbələrdə işlədiyini deyən Kelli, gününə acqarına təxminən 40 dəqiqəlik kardio məşqləri ilə başlayır və işə piyada gedir.
Kelli həmçinin pəhrizini tamamilə dəyişdirib.
Emal olunmuş və yüksək kalorili qidaları həyatından çıxaran britaniyalı ana, hər gün əsasən eyni qidalardan ibarət bir proqram izləyir.
Onun gündəlik pəhrizinə aşağıdakılar daxildir:
Qatıq və yulaf əzməsi, düyü ilə toyuq filesi, toyuq tortilla, bişmiş kartof, tərəvəz və yağsız çəkilmiş mal əti, fıstıq yağı ilə mayalı çörək
İntizamlı qidalanma və müntəzəm məşq sayəsində Kelli təxminən 32 kilo arıqlayaraq 54 kiloya düşüb və təkcə fiziki görünüşünü dəyişməyib.
Məşqçisinin rəhbərliyi ilə Kelli bodibildinqə başlayıb və bu il regional bodibildinq yarışlarında iştirak edib.
Aygün
Medicina.az
Ən Çox Oxunanlar
Yeni Xəbərlər
