Həddindən artıq qəbulu piylənməyə səbəb olur
- 2025.09.10 16:24
- 98 Baxış
Duz əsas bədən funksiyaları üçün vacib olsa da, həddindən artıq istehlak təkcə ürək-damar sağlamlığına deyil, həm də çəki nəzarətinə mənfi təsir göstərir. Həddindən artıq duz piylənmə riskini artırır və maddələr mübadiləsinin pozulmasına səbəb olur.
Medicina.az xəbər verir ki, duz gündəlik qidalanmada mühüm rol oynayır, yeməyin dadını artırır və maye balansını saxlayır.
Bununla belə, nəzarətsiz duz qəbulu bir çox mənfi sağlamlıq təsirlərinə səbəb ola bilər.
Tədqiqatlar göstərir ki, çox duz istehlakı piylənmə riskini artırır, metabolik tarazlığı pozur və suyun tutulmasına səbəb olur.
1. Piylənmə riski
Aparılan araşdırma nəticəsində məlum olub ki, gündəlik duz qəbulunun hər 1 qram artması uşaqlarda və böyüklərdə piylənmə riskini artırır.
2. Ağız dadına təsiri
Duz yeməklərin dadını gücləndirir, insanları daha tez-tez yeməyə sövq edir.
Bu, lazımsız kalori qəbuluna və nəticədə çəki artımına səbəb olur.
Bundan əlavə, duzlu qidalar tez-tez yüksək kalorili və qida dəyəri aşağı olan işlənmiş qidalarda olur. İşlənmiş qidaların həddindən artıq istehlakı piylənmə riskini daha da artırır.
3. Metabolizmaya təsiri
Yüksək duz qəbulu maddələr mübadiləsinə birbaşa mənfi təsir göstərir.
Məsələn, həddindən artıq duz metabolik sindrom riskini artıraraq leptin müqavimətinə səbəb ola bilər.
Leptin hormonu iştahın tənzimlənməsində və enerji balansında mühüm rol oynayır.
4. Stressə təsiri
Həddindən artıq duz qəbulu orqanizmdə stress hormonu olan kortizol istehsalını artıra bilər.
Kortizol xüsusilə qarın bölgəsində yağ yığılmasını təşviq edir.
Bu, uzun müddətdə piylənmə və metabolik problemlərə yol açır.
5. Bədənə maye yğır
Həddindən artıq duz orqanizmdə su tutmasına səbəb olur, bu da ödem və şişkinlik kimi problemlərə yol açır.
Bu, qısa müddətdə çəki artımı kimi görünsə də, uzun müddətdə metabolik balansın pozulmasına və piylənmə riskinin artmasına səbəb olur..
Aygün
Medicina.az
Ən Çox Oxunanlar
Yeni Xəbərlər
