Xəbərlər
Xəbərlər
Kişilərdə ürək xəstəliyi riski: Qadınlardan daha erkən yaşda başlayır

Kişilərdə ürək xəstəliyi riski: Qadınlardan daha erkən yaşda başlayır

2026.02.06 09:26
231 Baxış

Mütəxəssislər kişilərin ürək-damar xəstəlikləri ilə qadınlarla müqayisədə daha erkən yaşda qarşılaşdıqlarını və bu prosesin çox vaxt heç bir simptom olmadan irəlilədiyini bildirirlər.

Medicina.az xəbər verir ki, türkiyəli kardioloq Dosent Dr. Emrah Özdemir ABŞ-da aparılan və Amerika Ürək Assosiasiyasının Jurnalında dərc olunan uzunmüddətli bir araşdırmanın nəticələri ilə bağlı qiymətləndirmələr aparıb:

"Tədqiqat çərçivəsində 1985-1986-cı illərdə 18-30 yaş arası cəmi 5112 nəfər 2020-ci ilin avqust ayına qədər orta hesabla 34,1 il ərzində müntəzəm sağlamlıq müayinələrindən keçib. Məlumatlara baxdıqda görürük ki, ürək xəstəliyi riski kişilərdə orta hesabla 50,5 yaşında özünü göstərir. Qadınlarda isə bu yaş 57,5 olaraq müəyyən edilib. Başqa sözlə, kişilər ürək-damar xəstəlikləri ilə qadınlardan təxminən 7 il əvvəl üzləşirlər".

Özdemir, menopozdan əvvəlki dövrdə hormonların qoruyucu təsirinin qadınlarda riskin daha gec başlamasında əhəmiyyətli rol oynadığını vurğulayıb:

"Xüsusilə estrogen hormonu damar quruluşuna qoruyucu təsir göstərir. Buna görə də, ürək xəstəliyi riski qadınlarda daha gec ortaya çıxır. Lakin bu hormonal qorunma menopozdan sonra əsasən yox olur. Menopozdan sonra qadınlarda ürək xəstəliyi riski kişilərin riski ilə bərabər, hətta bəzi hallarda daha yüksək ola bilər."

Özdemir erkən menopozun ürək-damar xəstəlikləri üçün əhəmiyyətli bir risk faktoru olduğunu qeyd edərək, erkən yaşda menopoza girən qadınların kişilərlə oxşar risklər daşıya biləcəyini və buna görə də onların daha erkən yaşda kardioloji monitorinq altında olmalarının vacib olduğunu əlavə edib.

Həkim siqaret çəkmənin, oturaq həyat tərzinin, sağlam olmayan qidalanmanın, yüksək xolesterolun, diabetin, hipertoniyanın və güclü stressin prosesi sürətləndirdiyini bildirib:

"Ürək xəstəliklərinə yalnız qocalıq problemi kimi baxmaq böyük bir səhvdir. Xüsusilə 30 yaşlarından etibarən kişilər və menopoza yaxınlaşan qadınlar üçün mümkün ürək tutmalarının qarşısını almaq üçün müntəzəm sağlamlıq müayinələrini laqeyd etməmək həyati vacibdir".

Aygün

Medicina.az

<center>

<iframe name="bakupost" src="https://www.bakupost.az/banner1" width="100%" height="85" frameborder="0" scrolling="no" align="center"></iframe>

 
<div id="DivID"></div>

<br />
<div style="display:flex;justify-content:space-between">

<iframe src="https://bakupost.az/extra/bt/index.php?v=6" width="300" height="250" scrolling="no"></iframe>

<ins class="4990e8f14da40f98547337c624b3df6c" data-token="612-1368-36-1116-36" data-index="38" data-width="300" data-height="250"><script>!function(e,t){if(!t.getElementById("4990e8f14da40f98547337c624b3df6c")){let e=t.createElement("script");e.src="//statistics.asan.al/js/v1.js?version="+Date.now();let d=t.getElementsByTagName("head");e.setAttribute("id","4990e8f14da40f98547337c624b3df6c"),e.async=!0,((d?d[0]:null)||t.body).appendChild(e)}}(window,document);</script></ins>
</div>
<br /></center>