Mədənizdə polip olduğunu necə bilməli?- Qanaya bilər

  • 2023.03.14 15:26
  • 2942 Baxış
Mədənizdə polip olduğunu necə bilməli? - Qanaya bilər
Mədə polipi, bu orqanın iç divarında böyüyən xoşxassəli şişə bənzər bir neoplazmanın əmələ gəlməsidir.
Bu neoplazma mədə mukozasından əmələ gəlir. Xoşxassəli kursa malik olsa da, nadir hallarda bu patoloji proses bədxassəli formaya keçə bilər.



“Medicina” xəbər verir ki, əksər hallarda mədədəki poliplər özünü heç hiss etdirmir. İnsan illərlə onların varlığından xəbərsiz belə formasiyalarla yaşaya bilər. Bir polip tamamilə təsadüfən diaqnoz edilə bilər.


Bəzi hallarda, poliplər çox böyük ölçülərə qədər böyüyür və mədə qanaxmasının meydana gəlməsi ilə biruzə verir. Bu vəziyyətdə nəcisdə qan görə bilər, adətən mədədə qanaxma ilə nəcis qara olur. Əgər qanaxma tez-tez baş verirsə, anemiya inkişaf edir.


Bəzən əhəmiyyətli ölçüdə poliplər qidanın mədədən keçməsini çətinləşdirir, bu da həzm sistemindəki pozğunluqlar, qusma və dispeptik simptomlarla özünü göstərə bilər. Təcrübə göstərir ki, xəstələr çox vaxt gəyirmə və ürək bulanmasından şikayətlənirlər, bundan əlavə, tez-tez ağız qoxusundan, defekasiya pozğunluğundan, meteorizmdən, anormal süstlükdən və s. gileylənirlər.


Mədədəki polipin bir ayağı varsa, onikibarmaq bağırsağın boşluğuna çıxa bilər. Bənzər bir vəziyyət, kramp tipli ağrının kəskin başlanğıcı ilə özünü göstərir. Qarın boşluğunun müxtəlif hissələrinə xoşagəlməz hisslər olur.


Polipu olan insan kilo itkisi, letarji və depressiya, gecə istirahətinin keyfiyyətinin pozulması, miqren kimi ağrıların meydana gəlməsi ilə narahat ola bilər. Polip vaxtaşırı qanaxırsa, iltihablanma ehtimalı artır. Bu da öz növbəsində ağrı və temperaturun artması ilə özünü göstərir.


Mədədəki poliplər bir sıra fəsadlara səbəb ola bilər. Mümkün ağırlaşmalar arasında poliplərin bədxassəli olması (xərçəngin inkişafı) da var ki, bu da belə bir diaqnozla hadisələrin inkişafı üçün ən təhlükəli ssenarilərdən biri kimi qəbul edilməlidir.

Aynurə Məmmədova