Məşhur pəhriz əlavəsi 100 nəfəri xəstəxanalıq etdi: 2-si öldü

  • 2024.03.27 17:20
  • 622 Baxış
Məşhur pəhriz əlavəsi 100 nəfəri xəstəxanalıq etdi: 2-si öldü
Yaponiyada 100-dən çox insan "Beni-koji" pəhriz əlavəsini qəbul etdikdən sonra xəstəxanaya yerləşdirilib.

Medicina.az xəbər verir ki, bu barədə Yaponiyanın “Kobayashi Pharmaceutical Co.” şirkəti açıqlama yayıb.

Məlumata görə, tərkibində qırmızı düyü mayası olan “Beni-koji”ni səbəbilə xəstəxanalıq olanlarda böyrək çatışmazlığı yaranıb.

Yapon şirkəti sözügedən məhsulu ölkə daxilində bazardan geri çəkməyə qərar verdiyini açıqlayıb.

Səhiyyə Nazirliyi məhsulu istehlak edən 2 nəfərin öldüyünü, ölüm səbəbinin müəyyənləşdirilməsi istiqamətində araşdırmaların davam etdiyini açıqlayıb.

Ölənlərdən birinin bu məhsulu 2021-ci ilin aprelindən 2024-cü ilin fevralına qədər istehlak etdiyi müəyyən edilib.

Nazirlik brendin məhsul kateqoriyasındakı təxminən 6 min məhsulda "sağlamlığa təhlükə" şübhəsi ilə təcili yoxlamalar aparacaq.

Kyodo agentliyi bildirir ki, 2023-cü ildə şirkət 18,5 ton “Beni-koji” tərkibli məhsul istehsal edib və bunun 16,1 tonunu 50-dən çox şirkətə satıb.


Aysel