Qastrit sadəcə mədə ağrısı deyil: İnteqrativ yanaşma ilə düzgün müalicə
- 2026.08.14 16:49
- 124 Baxış
Qastrit mədənin selikli qişasında yaranan iltihabi dəyişiklikdir.
Medicina.az xəbər verir ki, kəskin və ya xroniki formada inkişaf edə, mədəüstü nahiyədə ağrı, yanma, ürəkbulanma, köp, tez doyma və yeməkdən sonra ağırlıq hissi yarada bilər. Bəzi insanlarda isə uzun müddət nəzərəçarpan şikayət olmur.
Qastritin ən geniş yayılmış səbəblərindən biri Helicobacter pylori infeksiyasıdır. Bundan başqa, bəzi ağrıkəsicilərin nəzarətsiz qəbulu, alkoqol, siqaret, öd reflüksü və autoimmun proseslər də mədənin selikli qişasını zədələyə bilər. Autoimmun qastrit zamanla B12 vitamini çatışmazlığı və anemiyaya səbəb ola bildiyi üçün düzgün diaqnostika vacibdir.
Müayinə pasiyentin şikayətlərinə uyğun seçilir. H. pylori üçün nəfəs və ya nəcis testi, qan analizləri, qastroskopiya və biopsiya tələb oluna bilər. Hər mədə ağrısının qastrit olmadığını nəzərə almaq lazımdır; reflüks, xora, öd kisəsi və mədəaltı vəzi xəstəlikləri də oxşar əlamətlər verə bilər.
İnteqrativ tibbi yanaşma
İnteqrativ təbabətdə məqsəd yalnız mədə turşusunu azaltmaq deyil, xəstəliyin əsas səbəbini tapmaq və bütün orqanizmi birlikdə qiymətləndirməkdir. Qidalanma, stress, yuxu, dərman istifadəsi, vitamin çatışmazlıqları və yanaşı həzm problemləri müalicə planında nəzərə alınır.
H. pylori təsdiqləndikdə əsas müalicə həkimin seçdiyi antibiotik və turşuluğu azaldan preparatlardan ibarət olur. Biotənzimləyici preparatlar isə həzm sisteminin fəaliyyətini dəstəkləmək, köp, spazm və dispeptik narahatlığı azaltmaq məqsədilə fərdi müalicəyə əlavə edilə bilər. Onlar əsas terapiyanı və zəruri müayinələri əvəz etmir.
Qastrit zamanı uzun müddət ac qalmamaq, az porsiyalarla qidalanmaq, çox yağlı və kəskin yeməkləri, qazlı içkiləri, alkoqolu və siqareti məhdudlaşdırmaq faydalı ola bilər. Lakin hər kəs üçün eyni pəhriz uyğun deyil; şikayətləri artıran qidalar fərdi şəkildə müəyyənləşdirilməlidir.
Qanlı qusma, qara nəcis, udma çətinliyi, davamlı güclü ağrı, tez-tez qusma və səbəbsiz çəki itkisi olduqda həkimə müraciət gecikdirilməməlidir.
Qastritin uğurlu müalicəsi düzgün diaqnoz, səbəbə yönəlmiş terapiya, uyğun qidalanma və fərdi seçilmiş biotənzimləyici dəstəyin birlikdə tətbiqinə əsaslanır. İnteqrativ müalicə proqramlarında bu məqsədlə istifadə olunan preparatlardan biri Gastricumeel®-dir.
Gastricumeel®
Gastricumeel® mədə selikli qişasının funksional vəziyyətini dəstəkləmək, turşuluqla bağlı narahatlığı və iltihabi əlamətləri azaltmaq məqsədilə istifadə olunan biotənzimləyici preparatdır. Preparat kəskin və xroniki qastrit, mədə qıcqırması və yanğı, ürəkbulanma, qusma, köp və udma zamanı yaranan narahatlıq kimi şikayətlərdə həkim tərəfindən fərdi şəkildə təyin olunur.
Aygün
Medicina.az
Ən Çox Oxunanlar
Yeni Xəbərlər
