Qurbanlıqdan qalan sümükləri atmayın - Müalicəvi çarə
- 2026.05.30 23:28
- 229 Baxış
Qurban Bayramı zamanı kəsilən heyvanların sümükləri çox vaxt nəzərdən qaçırılır.
Medicina.az xəbər verir ki, Qurban Bayramı zamanı əldə edilən sümüklərdən müxtəlif yeməklərdə istifadə etmək olar. Sümük iliyi, xüsusən də buddan aşağı sümük, şorbalarınıza dad və qida dəyəri qatacaq. Əti ayırdıqdan sonra sümükləri təmizləyib sonradan istifadə üçün dondurucuda saxlaya bilərsiniz. Beləliklə, il boyu sümüklərinizi şorbalarda və yeməklərdə istifadə edə, immunitet sisteminizi gücləndirə bilərsiniz.
Sümük bulyonu müalicəvi bir qidadır, xüsusən də mal əti sümüklərindən hazırlanması tövsiyə olunur. Sümükləri bir az ət olan bir qazana qoyun və qaynadın. Qaynadıqdan sonra daha 4,5-5 saat vam odda bişirin. Əti qaynadılmış sümüklərdən ayırın, sonra sümükləri qazana qaytarın, bir stəkan sirkə əlavə edin və daha 10 saat vam odda bişirin. Bişirmə prosesi başa çatdıqdan sonra jele kimi sümük bulyonunu buz torbalarına töküb dondurucuda saxlaya bilərsiniz. Buz torbalarınız yoxdursa, plastik stəkanlara və ya şüşələrə töküb təxminən 6 ay dondurucuda saxlaya bilərsiniz. Onlardan istifadə vaxtı gəldikdə, ehtiyac duyduğunuz qədər götürüb yeməklərinizdə və şorbalarınızda istifadə edə bilərsiniz. Bu üsullarla Qurban bayramında əldə etdiyiniz sümükləri atmaq əvəzinə, onlardan il boyu istifadə edə, bədəninizin ehtiyac duyduğu vitamin və mineralları əldə edə və xəstəliklərə qarşı müqavimətinizi artıra bilərsiniz. Sümük bulyonu, xüsusilə qış aylarında tez-tez rast gəlinən xəstəliklərə qarşı qoruyucu təsir göstərir və bədənin tez sağalmasına kömək edir.
Aygün
Ən Çox Oxunanlar
Yeni Xəbərlər
