Sağalmaz nevroloji xəstəliyin əlamətləri - YAS
- 2026.03.05 19:40
- 241 Baxış
YAS - yan atrofik skleroz ciddi nevroloji xəstəlikdir.
Medicina.az xəbər verir ki, Avropa Tibb Mərkəzinin (EMC) nevroloqu Mixail Slivkonun sözlərinə görə, (ALS) adətən, bir qolda və ya ayaqda zəifliklə başlayır, sonra digər əzalara yayılır. Həkim Lenta.ru-ya iflic xəstəliyinin ilk simptomlarını sadalayıb.
Nevroloq qeyd edib ki, zəiflik başladıqdan sonra danışıq və udma problemləri yarana bilər. O qeyd edib ki, bunlar sağalmaz xəstəliyin ən görkəmli simptomlarından biridir. ALS xəstələrində yavaş, sərt və ya yöndəmsiz hərəkətlər, həmçinin qıcolma və spazmlar müşahidə edilə bilər.
YAS- ALS həmçinin məşhur beysbol oyunçusunun adını daşıyan Lou Gehrig xəstəliyi kimi də tanınır. Beysbolçunun ölümünə bu xəstəlik səbəb olub.
Mütəxəssisin sözlərinə görə, xəstəliyin yalnız iki risk faktoru müəyyən edilib: yaş və genetik meyl. Bundan əlavə, Slivko davam etdi ki, siqaret çəkmək xəstəliyin başlanğıcını sürətləndirə bilər.
YAS xəstəliyinin rastgəlmə tezliyi, xüsusən də 40 yaşdan sonra, həyatın hər on ilində artır, 74 yaşında pik həddə çatır və sonra azalır.
Nevroloq bildirib ki, hazırda xəstəliyin qarşısını almaq üçün sübut olunmuş üsullar yoxdur. Lakin alimlər bağırsaq mikrobiomundakı dəyişikliklərlə YAS arasında əlaqə yaradıblar. Slivko yekunlaşdırıb ki, bu, ümid verir, çünki bu, bu xəstəlik diaqnozu qoyulmuş xəstələr üçün müalicə variantlarını aça bilər.
Aygün Musayeva
Ən Çox Oxunanlar
Yeni Xəbərlər
