Siz yuxuda ikən, bağırsaqlarınız yoxlanır - Kolonoskopiya nədir?
- 2020.11.17 14:29
- 6695 Baxış
Hazırda Azərbaycanda bağırsaq xəstəlikləri və onkoloji problemlər artdığından kolonoskopiya kimi bir zamanlar az müraciət olunan diaqnostika növü onkoloq, qastroenteroloq və proktoloqların sevimli müayinəsinə çevrilib.
Çoxları bağırsaqlarındakı problemi gizlədir, bu müayinədən çəkinir, utanır, çoxları heç nə olmaz deyə düşünüb illərlə bağırsaq qanamasından əziyyət çəkir.
Amma cəmi 1 dəfə kolonoskopiya etdirməklə, həm özünüzü, həm həkiminizi rahatlada bilərsiz.
Kolonoskopiya da mədəyə zond salınması kimi müayinə metodudur, burda zond düz bağırsaqdan keçir.. Əslində ağrısızdır, amma bağırsaqlar bir az köpdüyü üçün təzyiq hissi xəstəni narahat edə bilər. Həm də proses özü həyəcanlı olduğundan xəstəni tam rahat etmək üçün ümumi narkoz, yəni 15 dəqiqəlik yuxuya verməklə, venadaxilli sedasiya ilə bu iş həll olunur.
Kolonoskopiya – yoğun bağırsaq və düz bağırsağın instrumental diaqnostikası və patoloji problemlərin müalicəsi üçün prosedurdur. Burda bağırsağın selikli qişası tam detallı görünür. Zondun ucunda olan kamera görüntünü monitora ötürür və həkim bağırsaqların içini iri planda görür.
Əgər bağırsaqda hər hansı patologoya aşkarlanarsa, o zaman bu manipulyasiyaları yerindəcə etmək imkanı var:
-Poliplər görünərsə, götürülür, ya yandırılır
-Qanaxma varsa, saxlanılır
-Yad nəsə varsa çıxarılır
-Daralma, bitişmə varsa, bərpa olunur
-Şiş varsa, biopsiya materialı götürülür
Kolonoskopiyaya göstərişlər:
-Qanaxma
-Poliplər, yeni törəmələrə şübhə
-Onkopatologiya
-Kron xəstəliyi – kəskin iltihab, diareya
-Xoralı kolit
-Xroniki qəbizlik və ishal
-Sürətlə arıqlama
-Qanazlığı
-Subfebril hərarətin uzun müddət qalması
- Bitməyən ishal, qəbizlik
Ümumiyyətlə isə 45 yaşdan sonra hər bir şəxsə 2 ildən bir kolonoskopiya etdirmək lazımdır. Əgər nəsildə bağırsaq xərçəngi varsa, bu insanlar yüksək risk altında olduqlarından, ildə 1 dəfə kolonoskopiyadan keçməlidirlər.
Kolonoskopiyaya əvvəldən hazırlaşmaq, həkimin verdiyi işlədici, təmizləyici dərmanları qəbul etmək lazımdır.
Kolonoskopiyaya əks göstərişlər:
-İnfarkt miokard xəstələrinə
-Hamilələrə
-Şəkərli diabetlər
-Kəskin qan axması olanlara
-Peritonitdə
Kolonoskopiya kifayət qədər ziyansız asan metoddur, amma onu yüksək peşəkar, işində mütəxəssis, klinika şəraitində düzgün icra etməlidir. Avadanlıq müasir və steril olmalıdır.
Əgər siz də bağırsaqlarınızı yoxlatmaq istəyirsizsə,Med Konsaltinqə müraciət edərək, Bakıda ən effektiv və ən münasib qiymətə mədə-bağırsaq müayinəsi üzrə keçə bilər. Eyni zamanda bağırsaqda poliplər aşkarlanarsa, elə kolonoskopiya zamanı götürüləcək.
Bağırsaqlarda aşkar olunan xəstəliklərin müalicəsi də yerindəcə həkim tərəfindən yazılır.
Əlaqə tel:
050 372 77 14
Med Konsaltinq
Ən Çox Oxunanlar
Yeni Xəbərlər
