“Tam bərpaya 15 il vaxt lazımdır” – Koronaviruslu xəstələri nə gözləyir?
- 2020.04.26 12:49
- 2329 Baxış
Koronavirusu ağır keçirən, xüsusən İBL aparatına qoşulan xəstələrin ağciyərləri virusdan sağalandan sonra tam bərpa olması üçün 15 il lazımdır.
Medicina.az xəbər verir ki, bunu Britaniyanın İntensiv Terapiya fakultəsinin tədqiqatları sübut edib.
Elm adamları müşahidə edib ki, intensiv terapiya şöbəsinə daxil olan koronaviruslu xəstələrdə kəskin distress sindrom – ağciyərlərin kəskin iltihabı baş verir.
Yuhanda 17% xəstələrdə bu sindrom yaranmışdı. The Lancet elmi dərgisində digər statistikada da göstərilir ki, fevraldan sonra xəstələlənənlərin 29%-də bu sindrom meydana çıxıb.
Virus infeksiyası ağciyərlərin selikli qişasını o dərəcədə iltihablandırıb ki, yaxınlıqdan keçən qan damarlarını zədələyir və orda olan maye ağciyərlərin hava kisəciklərinə dolub, tənəffüsü mümkünsüz edir.
Hansı xəstələrdə ki, bu proses baş verib, sonradan ağciyərlərin selikli qişasının və hava alveollarının bərpası üçün 15 il müddət lazım gələcək.
Bu sindromda ölüm faizi 30-40% dir və sindromun müalicəsi yoxdur. Şansından sağ qalanların fiziki aktivliyi pozulur, əzələləri tükənmiş olur və onlar uzun illər tənəffüs problemi keçirə bilərlər.
Ən Çox Oxunanlar
Yeni Xəbərlər
