Təhsil işçiləri və tələbələrə vaksinasiya ilə bağlı əlavə imkan veriləcək

  • 14 Sen 2021 12:37
  • 199 Baxış
Təhsil işçiləri və tələbələrə vaksinasiya ilə bağlı   əlavə imkan veriləcək
"Təhsil Nazirliyi təhsil işçilərinin oktyabrın 1-dən yox, bütün ay ərzində hər iki peyvəndin dozasını qəbul edə bilməsi təklifini verib".

Medicina.az xəbər verir ki, bunu təhsil nazirinin müşaviri Rüstəm Ağayev jurnalistlərə açıqlamasında bildirib.

Onun sözlərinə görə, hazırda bu istiqamətdə müzakirələr davam edir: "Hesab edirik ki, təhsil işçiləri və tələbələrə əlavə imkan veriləcək. Nəticədə onlar ay ərzində koronavirus əleyhinə vaksinin hər iki dozasını qəbul edə bilsinlər. Daha dəqiq məlumatlar yaxın günlərdə ictimaiyyətə açıqlanacaq".

Qeyd edək ki, sentyabrın 22-də ümumtəhsil müəssisələrində aşağı sinif şagirdləri, sentyabrın 29-da isə orta və yuxarı sinif, eləcə də ali və orta ixtisas təhsil müəssisələrində ənənəvi tədris bərpa ediləcək.