Ürəyiniz sizdən daha yaşlı ola bilər
- 2026.07.30 15:59
- 105 Baxış
ABŞ-də aparılan yeni araşdırma bir çox insanın ürək yaşının bioloji yaşından yüksək olduğunu ortaya qoyub.
Medicina.az xəbər verir ki, bəzi yetkinlərdə bu fərq 5-7 il, hətta daha çox ola bilər.
Araşdırmada 14 mindən çox insanın məlumatları təhlil edilib. Nəticələr göstərib ki, yüksək təzyiq, xolesterin, diabet, siqaret və fiziki passivlik ürəyin daha sürətli qocalmasına səbəb olan əsas amillərdəndir.
Kardioloqlar bildirirlər ki, ürəyin “yaşını” müəyyən etmək üçün xüsusi risk hesablayıcılarından istifadə etmək mümkündür. Bu göstərici insanın infarkt və insult riskini daha aydın qiymətləndirməyə kömək edir.
Mütəxəssislər ürək sağlamlığını qorumaq üçün sağlam qidalanma, müntəzəm fiziki aktivlik, siqaretdən uzaq durmaq və qan təzyiqinə nəzarət etməyi tövsiyə edirlər. Onların fikrincə, gündəlik həyat tərzində edilən dəyişikliklər ürəyin qocalma prosesini yavaşlada bilər.
Xanım,
Medcina.az
Ən Çox Oxunanlar
Yeni Xəbərlər
