Elm ortaya çıxardı: pəhrizlə arıqlamaq mümkün deyil!
- 2026.08.27 18:14
- 115 Baxış
Amerikalı alimlər arıqlamağa çalışan milyonlarla insanın xəyallarını alt-üst etdilər. Məlum oldu ki, uzunmüddətli perspektivdə artıq çəkidən xilas olmaq demək olar ki, mümkün deyil.
Medicina.az xəbər verir ki, müxtəlif ekstremal pəhrizlərə riayət etməklə bir neçə ay ərzində 10 və ya hətta 20 kq arıqlaya bilərsiniz, lakin zaman keçdikcə, itirilmiş çəki həmişə geri qayıdacaq. Minnesota Universitetinin tədqiqatçıları təbii piylənmə müalicələrinin xüsusiyyətlərini geniş şəkildə araşdırdıqdan sonra uzunmüddətli çəki itirmək mümkün olmadığını aşkar etdilər.
20 ildir pəhriz vərdişlərini öyrənən laboratoriya əməkdaşı, psixoloq Treysi Mann deyir: "Nə qədər narahatedici olsa da, dəlillər tamamilə aydındır.
Uzunmüddətli arıqlama insanların yalnız çox az bir hissəsində baş verir. Əlbəttə ki, demək olar ki, istənilən pəhriz, əgər riayət olunarsa, arıqlamağa kömək edəcək, bəzən isə xeyli dərəcədə. Amma beş-on il sonra arıqlayan birinə baxsanız, itirilmiş bütün çəkilərin geri qayıtdığını görəcəksiniz."
Alberta Universitetinin professoru Tim Kolfildin sözlərinə görə, uğurlu arıqlama hekayələri daimi arıqlama ilə bağlı məşhur mifi əbədiləşdirir. O, insanlara tez-tez arıqlamağı və nəticələrini illərlə qorumağı bacaranların nümunələri ilə təqdim olunduğunu qəbul edir. Əslində, bunlar qaydanı sübut edən istisnalardır. İnsanların 99%-i sadəcə bunu edə bilməyəcək.
Bəs əksər elm adamları arıqlamağın mümkün olmadığını bilirlərsə, niyə insanlara bu barədə danışmırlar?
Professor Kolfild bu məsələdə elm adamları arasında mövcud siyasi düzgünlükdən danışır. Əksər adi vətəndaşlar üçün bu cür xəbərlər çox xoşagəlməz olacaq. Lakin Treysi Mann sağlam qidalanmanı çəki artırmaq üçün deyil, daha təsirli və faydalı olan öz sağlamlığı naminə tövsiyə edir.
Aygün Musayeva
Ən Çox Oxunanlar
Yeni Xəbərlər
