Koronovirusla bağlı son vəziyyət: Operativ qərargah brifinq keçirir - YENİLƏNDİ - 4
- 2020.03.05 12:39
- 3596 Baxış
"Koronavirusla bağlı ölkədə ölüm faktı olsa, ictimaiyyət dərhal məlumatlandırılacaq. Hazırda ölkədə cəmi 3 koronavirusa yoluxan şəxs var və onların da vəziyyəti stabildir".
Bunu Nazirlər Kabineti yanında operativ qərargahın üzvü, TƏBİB-in Yoluxucu xəstəliklər işçi qrupunun rəhbəri Vasif Əliyev deyib.
O, vətəndaşlara müraciət edərək qeyd edib ki, ancaq rəsmi məlumatlara istinad edilsin.
***
"Hazırda Azərbaycanda 500-ə qədər şəxs karantində saxlanılır".
Bunu Nazirlər Kabineti yanında operativ qərargahın üzvü, TƏBİB-in Yoluxucu xəstəliklər işçi qrupunun rəhbəri Vasif Əliyev deyib.
Onun sözlərinə görə, həmin şəxslərdən lazımi yaxmalar götürülüb:
"Onların heç birində koronavirus aşkar edilməyib. Karantində olan şəxslərin əksəriyyəti Azərbaycan vətəndaşlarıdır".
V.Əliyev xatırladıb ki, koronavirus xəstəliyini insanlar yüngül keçirir:
"Hətta ev şəraitində müalicəsi də mümkündür. Dünyada bu virusa yoluxanların təxminən 4-5 faizi ağır şəraitdə olaraq xəstəxana şəraitində keçirib".
***
“Hazırda Azərbaycanda koronavirusa yoluxan 3 şəxs var. Onların vəziyyəti tam stabildir”.
Bunu TƏBİB-in şöbə müdiri Yaqut Qarayeva deyib.
Onun sözlərinə görə, həmin şəxslərin vəziyyətində ağırlaşma yoxdur, amma həkim nəzarətindədirlər.
***
Nazirlər Kabineti yanında operativ qərargahın koronavirusla (COVID-19) bağlı KİV nümayəndələri üçün növbəti brifinqi keçirilir.
Ən Çox Oxunanlar
Yeni Xəbərlər
