Antidepressantlar kovidə təsir edir

  • 17 Noy 2021 14:52
  • 293 Baxış
Antidepressantlar kovidə təsir edir

COVID-19-dan ölüm hallarının azalması antidepresant qəbulu ilə əlaqələndirilir - TƏDQİQAT17.11.2021 10:50
Antidepresant qrupunun (selektiv serotoninin geri alınması inhibitorlar-SSRI) qəbulu COVID-19 xəstələrində ölüm riskini azaldır.

Medicina.az xəbər verir ki, bu qənaətə Kaliforniya və Stenford universitetlərinin alimləri apardıqları araşdırmaların nəticələrinə əsasən gəliblər.

Alimlər ABŞ-da 500 min xəstənin tibbi qeydlərindən alınan məlumatları təhlil ediblər. Onlardan 83,5 mininə 2020-ci ilin yanvar-sentyabr aylarında koronavirus diaqnozu qoyulub. Bu qrupda 3,4 min nəfərə antidepresantlar təyin edilib.


Nəticədə müəyyən olunub ki, fluoksetin (SSRI qrupundan olan dərman) qəbul edənlərdə ölüm riski nəzarət qrupuna nisbətən 28% azdır. Fluoksetin və ya fluvoksamin (başqa bir SSRI dərmanı) qəbul edənlərin riski 26% aşağı olub.


Eyni zamanda, alimlər qeyd ediblər ki, koronavirusdan ölüm hallarını azaltmaq üçün antidepresanların istifadəsinin effektivliyini yalnız geniş miqyaslı randomizə olunmuş klinik sınaqlardan sonra təsdiqləmək mümkün olacaq.